ქართულ სატელევიზიო სივრცეში გასულ არცერთ თიქ-შოუს ერთგული მაყურებელი არ ვარ,თუმცა ზოგჯერ ჩემ ყურადღებასაც მიიქცევენ ხოლმე.ყველა ჯერზე ვრწმუნდები,რომ არ ღირს მათი ყურება!გუშინ იმედის ეთერში გასულმა გადაცემა “100 გრადუსი ცელსიუსით” გამაოგნა და ამ პოსტის დაწერა გადამაწყვეტინა.ადრეც რამოდენიმე ნაწყვეტი მაქვს ნანახი ამ გადაცემის და მაოგნებს ნოდარ მელაძის სუბიექტურობა რომელიც არაობიექტურობაში გადადის.
გადაცემა ეძღვნებოდა რთულად აღსაზრდელ თაობას და თუ რა გზას ადგებიან ისინი ხშირ შემთვევაში და რა შედეგები მოჰყვება ამას.
თურმე ნუ იტყვით და გადაცემის მომზადება მაყურებლის თხოვნის და გამო გადაუწყვეტიათ!
თუ ასეთი ‘კეთილშობილური’ მიზანი ამოძრავენს გადაცემის ავტორს,მაშინ რატომ იკვეთება გადაცემაში მცდელობა იმისა,რომ მთელ თაობას ’რთულად აღსაზრდელის და დეგრადირებულის’ იარლიყი მიაკერონ?რატომ მოგვაწოდებენ დამახინჯებულ ფაქტებს და რაც მთავარია,რატომ არ სთავაზობენ ამ თაობას არჩევანს და გამოსავალს? მოზარდი თაობის პრობლემატური ხასიათი არავისთვის არის გასაკვირი და ეს ყველა განვითარებულ ქვეყანაში უაღრესი ზრუნვის საგანია.საქართველოში კი,სადაც პრაქტიკულად ყველა მოზარდი სოციალური პირობების გამო და ქვეყანაში გამეფებულ უმუშევრობის გამო თავს უსარგებლოდ მოიაზრებს და ვერანაირ პერსპექტივას ვერ ხედავს,თუ რითი შეიძლება შეცვალოს თავისი ცხოვრება უკეთესობისკენ,ამ მასიური დეპრესიის ფონზე მაინც გასაკვირია ის ფაქტი,რომ ჩვენი ახალგაზრდა თაობა მაინც ახერხებს,რომ ‘ადამიანობა’ შეინარჩუნოს და არ მიეცეს სასოწარკვეთას.ინდივიდუალიზმის გამოხატულება ყველა დროში მოზარდობის ასაკში იჩენს თავს და არ არის გასაკვირი,რომ ტენდენციას აყოლილი ახალგაზრდები ან ემოების ან გოთების და ან ნეფორმალების დამახასიათებელი გარეგნობით დაიარებოდნენ ქუჩებში.თუმცა ეს სულაც არ ნიშნავს იმას ,რომ თავს მოგვახვიონ ცრუ მცნებები და ასოცოაციები,როგორც ეს ამ გადცემაში მოხდა.
გუშინდელმა გადაცემამ საბოლოოდ დამარწმუნა იმაში,რომ ეს გადაცემა არის პროვოკაციური! არ ერიდებიან ფაქტების გაყალბებას-დამახინჯებას.საქმე იმაში არ არის,რომ გადაუმოწნებელი მასალით კეთდება გადაცემა,გადაცემაში გამიზნულად ფალსიფიცირებული მასალაა გამოყენებული.
გადაცემას შეგიძლიათ უყუროთ აქ!
მინდა თქვენი ყურადღება რამოდენიმე გაყალბებაზე შევაჩერო :
1. ქალბატონი ,რომელიც საუბრობდა თავის შვილის შეცვლილ ხასიათზე,იმაზე,რომ ვერ აკონტროლებს და რომ ცუდ წრეში ჩავარდა მისი შვილი და ამან გადააწყვეტინაის,რომ საბოლოოდ მან სახელმწიფოს სთხოვა ეზრუნა ამ ბავშვზე!იმდენად გამაოგნებელ ამბავს ყვებოდა რომელიღაც სექტაზე,რომ დაუჯერებლად მეჩვენა და არც მოვტყუებულვარ!სულ მალე ეს ქალბატონი ტყუილში ‘გამოვიჭირე’,თუმცა მერე არმოჩნდა,რომ პრაქტიკულად სულ ცილისწამებას ქონდა ადგილი.
- მან ახსენა,რომ არის საიტი სადაც წერენ ამ სექტების შესახებ და ერთ ერთი იყო ვინმე ‘ფორთოხლის გოგონა’ ,რომელსაც ,პრაქტიკულად ცილი დასწამეს გარყვნილობაში.—რეალურად კი,პირადად ვიცნობ ამ გოგონას და მას აქვს ბლოგი,რომელზეც უწერია სტატია ‘ნეფორმალების’ შესახებ,რომელიც თავიდან ბოლომდე მათ კრიტიკას ეძღვნება!
- როგორც აღმოჩნდა,შვილი,რომელზეც ეს ქალბატონი საუბრობდა —ნაშვილები ყოფილა და ისიც გაირკვა,რომ ამ ბავშვს თვითონ საკმაოდ ცუდად ექცევა! მან გადაწყვიტა ბავშვთა სახლში ბავშვის ‘დაბრუნება’,თუმცა ამას ზალიან პროვოკაციული ფორმიტ აკეთებს.გაირკვა,რომ ამ ყველაფრის შესახებ ძალიანაც კარგად იცის გადაცემის წამყვანმა,თუმცა ეს ფაქტი არ გაუჟღერებიათ!
2. სატანისტებად მოხსნიებული ახალგაზრდები სინამდვილეში სულაც არ არიან სატანისტები!
ამ სურათზე კარგად ჩანს,რომ ჩვეულებრივი მეგობრების თავშეყრა არის დაფიქსირებული,რომელზეც შემდგომ ’იმუშავეს’ და ამგვარად მოგვაწოდეს მაყურებელს!ამ სურათზე ჩემმა Facebook მეგობარმა თავისი მეგობრები ამოიცნო და რაიმე სექტასთან მათ კავშირს სასტიკად უარჰყოფს.ამ სურათზე გამოსახულ ერთ- ერთი ბიჭი(ვისზეც მაქვს ინფორმაცია) ჩივილსაც აპირებს!
კიდევ ერთი სურათი,რომლის სიყალბეც გამოაშკარავდა არის სურათი,რომელზეც გოგონაა გამოსახული.ეს სურათი კარნავალზეა გადაღებული,სადაც ეს გოგონა ორო ჩიმაროს (მულტიპლიკაციური ფილმის გმირის) ფორმით მივიდა.როგორც ჩანს ეს საკმარისი აღმოჩნდა ნოდარ მელაძესთვის,რომ მასთვის ‘სატანისტობა’ დაებრალებინა
3. ემოებს რაც შეეხება… გადაცემაში მოსული 3 ახალგაზრდა საკმაოდ ექსცენტრულად გამოიყურებოდა,თუმცა როგორც თვითონ ამბობენ—ისინი ემოები არიან.მართლც,ერთი შეხევით ემოებისთვის დამახასიათებელი გარეგნობა ქონდათ,თუმცა
- ვარდისფერთმიანი ბიჭი აშკარად პარიკით იყო!რად უნდა პარიკი ბიჭს,რომელიც თავს ემოდ გვაცნობს?
- ემოების ‘კულტი’ არ მოითხოვს მსხვერპლშეწირვას
- თავადაც ამბობენ,რომ ჩვენ კატა მსხვერპლად არასდროს შეგვიწირავსო
- მაშინ რატომ გვაჩვენებენ კატის მსხვერპლად შეწირვის ინსცენირებას?
- კადრში თოვლი ჩანს,თბილისში კი დიდი ხანია,რაც გაზაფხულია!
- საეჭვოდ მოხატული სახეებით მოგვევლინენ გადაცემაში,როგორც მათი თაობის ახალგაზრდები ამბობენ(მე არ ვიცი,მსგავსი არაფერი მინახავს),მთლად ასეთი ‘გაფერადებული’ სახითაც არ დადიანო,ვარაუდია,რომ ასე იმიტომ შეინიღბნენ,რომ მაკიაჟის გარეშე ვერ იცნონ.
4. არ შეეფერება სიმართლეს ის,რომ მძიმე როკის ან მეტალის თაყვანისმცემელი აპრიორი სატანურ სექტას მიეკუთვნება! რატომ ავლებენ ამგვარ პარალელს? უამრავ ახალგაზრდას(ზოგჯერ მეც) მძიმე მეტალის მოსმენა სიამოვნებს,ეს ხომ არ უნდა ნიშნავდეს იმას,რომ მაინც და მაინც სატანისტები არიან ? მაგრამ როგორც ჩანს, ამგვარი მუსიკის მოსმენა,რკინის ელენემტებით გაფორმებულ ტყავის ქურთუკის და სამაჯურების ტარება მხოლოდ ნოდარ მელაძისთვის ყოფილა ‘სატანისტის’ ატრიბუტიკა. ამგვარად ხელოვნურად იქმნება სტიგმა!
5. ემო ახალგაზრდების გამოყვანით და მათი ‘რიტუალების’ ჩვენებით ხდება მათი ხელოვნურად პოპულარიზება,რაც შეიძლება მისაბაძი მაგალითი გახდეს.ძალიან ბევრ მოზარდს აქვს პოპულარობის მოხვეჭის სურვილი,ამ გადაცემების მეშვეობით კი (გინდაც ადრე გასული გადაცემაში მოყვანილი კესო,გეი და საბი) ხდება ამ პოპულარობის ნებისმიერი ,გინდაც ამორალური გზით მოპოვებისთვის იდეის მიწოდება!
კიდევ რამოდენიმე ნაკლზე შეიძლება ყურადღების გამახვილება,თუმცა ამ პოსტის მიზანი მხოლოდ ის არის,რომ ტყუილი გამოვააშკარავოთ.
ჩემს მსგავსად ბევრი ადამიანი არის აღშფოთებული,სოციალურ ქსელში ვრცელდება გვერდები ამ გადაცემის დახურვის მოწოდებით.თუმცა მე ვფიქრობ ,რომ გადაცემის იდეა შესანიშნავია,შესაბამისი წამყვანი და მის მომზადებისთვის საჭირო კარგი ჟურნალისტები რომ ყავდეთ!
თვითონ ახალგაზრდების ამგვარ ქცევებს რაც შეეხება,მინდა შეგახსენოთ,რომ მოზარდი ხშირად პროტესტის ნიშნად მიმართავს ამგვარ ასოციალურ ან გინდაც ანტისოციალურ ქცევებს!ამ შემთხვევაში შედეგთან ბრძოლა კი არ არის საჭირო,მათი ამგვარი საქციელის მიზეზი უნდა ვიპოვოთ.მე ვთვლი,რომ პრობლემური ბავშვი არ არსებობს,არსებობს ბავშვი,რომელსაც არ უსმენენ,მას საკმაო დროს არ უთმობენ და სითბოს არ აგრძნობინებენ,არ აღიქვამენ,როგორც პიროვნებას.ამაში თანაბრად არის დამნაშავე იოჯახიც და გარემოც.თუმცა ეს უკვე სხვა პოსტის თემაა და სხვა დროს ვისაუბროთ.
იმედია საინტერესო გამოვა. 
